प्रार्थना

🌹प्रार्थना 🌹

हे दयासागरा, दयाघना
कधी येशील बघण्या
भारत आपुला पुन्हा!

तू वचन दिले होतेस आम्हा...
"येईल मी सत्वर परतुनि
धर्माला येईल जेव्हा ग्लानि "

इथे तर धर्मच भ्रष्ट केलाय
खुद्द धर्माच्या ठेकेदारांनी!
तुझ्याच नावाचा वापर करून
हे करती सर्रास मनमानी!!

इथे अतिरेक्यांना मिळते अभय
चोर दरोडेखोर फिरतात निर्भय!

सज्जनांवर खटले
दुर्जनांना मात्र डबोले!
पदके मिळवती वशिल्याचे तट्टू
नेते मलिदा खाऊन झालेत गट्टू!

तुला हे सांगताना गिरीधरा..
आमचीच वाटतेय आम्हास लाज!
उगाचंच आशेवर आम्ही,
कधीतरी बदलेल हा समाज!

हे देवकीनंदना,
करितो तुला प्रार्थना!
काही विपरीत घडण्याआधी..
दाखवूनि चमत्कार,
घे पुन्हा तू अवतार!
शेवटी तुच आमचा तारणहार!!
🌹🌹🙏🙏🙏🌹🌹
                ..... विनोद श्रा.पंचभाई