चक्रव्यूह

''चक्रव्यूह''

आपण कितीही

सरळ मार्गाने चालत असलो तरी,

घ्यावीच लागतात अचानक

कधीतरी वळणं !

मग----

नको असलेल्या वळणावर

भेटतात नेमकी नको असलेली माणसं!

आणि आयुष्याला लागतं 

वेगळंच वळण ! 

मग बेमालूमपणे जातो आपण

व्यसनांना शरण ! !

आणि होतात तेव्हा ---

परतीचे सगळेच मार्ग बंद! 

आपण आपले नसतोच, 

नकळत जगणं होतं बेधुंद! !

मग-----

अवस्था होते आपली ,

चक्रव्यूहात अडकलेल्या अभिमन्यूसारखी!

नसतो आपण कुणाचेच, 

भासते त्यावेळी सारी दुनियाच पारखी!

मनापासून वाटतं तेव्हा ,

कुठेतरी दिसेल आशेचा किरण! 

कधीतरी जगण्याला 

लागणार एक नवीन वळण !

                        ---- विनोद श्रा.पंचभाई